___________________________________________________________________________________________________________________________________________________________

Thursday, March 31, 2016

Panayan

Hanggang kailangan ko nga ba ipagdadamot ang panahon na para sa Kanya? Sa mundo na ang timbang ng halaga ay kaiba sa kung ano ang mahalaga sa Kanya, tila silaw akong bumabaybay sa espasyong bigay N’ya. Papano bibilis ang marahang usad kung hindi mabitawan ang mga bagay na nagbibigay saya ngunit may dalang bigat? Kailan magkakaroon ng matatag na desisyong ibaba ang mga empakeng umuubos ng lakas dala ng bigat ngunit walang laman.

Friday, March 4, 2016

Silab


Hindi ko pa alam kung papaano pa ako magsisimulang muli. Kung papano ko muling bubuhayin ang dating alab na unti-unting naghihingalo. Hindi na makahinga dala ng kumakapal na usok ng takot at pag aalinlangan. Sa loob ng halos dalawang taon, para bang naglalayag ako sa tubig na may lalim ngunit walang dalang alon. Umuusad ngunit walang dereksyon. 


Magagawa kayang panglawan ang dilim kung nasaan ako ngayon ng isang linyang dala ay kinang? Maiaangat  kaya ako ng isang imbetasyon para bumaba?