Sining bilang Panlaban.

Mga bagay na mula mismo sa isip ni Inong. Halika kaibigan, makisilip, makitangkilik at makilakbay, konting ingat baka ikaw ay mahulog sa kumonoy na nagpapakatotoo.

Wednesday, April 18, 2012

Ito ang kailangan ko



“Ma, pwedeng pasuyo pambiling ganito…ganyan…ganoon” ito ang lagi kong hirit kay Mama pero habang tumatanda ako napansin ko na hindi lahat pala ng hiningi ko o hiniling ko sa kanila, binibigay nila. Sa una syempre natural lang siguro na maiinis ka, sabay maglolock sa room at kung tipong gustong gusto mo ‘yung bagay na hinihingi mo kulang nalang isigaw mo na “gusto ko nang mamatay, bakit unfair ang buhay, di ba nila ako kayang pagbigyan”. Maniwala ka ginawa ko rin iyan, pero hindi tulad ng napapanood ko noon sa TV na kapag umiyak ibibigay na, kasi sa bahay kahit isigaw mo pa lahat ng santo kung hindi pwedeng ibigay hindi ibibigay at kahit ipangako ko pa na ako ang magtotop 1 wala pa rin. Dito na pumapasok ang ginintuang aral ni Inay na hanggang ngayon tinuturing ko pa ring ginto….“Nak, May mga hindi mo kailangan na gusto mo at may mga hindi mo gusto pero kailangan mo.”

Hanggang ngayon ganyan pa rin ang patakaran sa bahay kaya naman masasabi ko na kahit ang daming hindi naibigay sa akin noong bata ako sulit na sulit ang pagpapalaki nila sa akin. Ngayon naiintindihan ko na ang lahat at kung magkakasupling man ako balang araw ito rin ang ipapairal ko sa kanila.


4 comments:

  1. isn't this one of mankind's most bitter struggles?

    ReplyDelete
  2. tama nga naman si inay.. sa pagtanda mo at meron ka ng trabaho baka maintindihan mo rin sila.. tas pag may anak ka na ipamana mo rin ito sa kanila...

    ReplyDelete
  3. agree.yan din turo sakin ng nanay ko.

    ReplyDelete
  4. mother knows best parin talaga =D

    ReplyDelete