Sining bilang Panlaban.

Mga bagay na mula mismo sa isip ni Inong. Halika kaibigan, makisilip, makitangkilik at makilakbay, konting ingat baka ikaw ay mahulog sa kumonoy na nagpapakatotoo.

Tuesday, September 25, 2012

Usapang Break-Up

Guest post padala ni Pareng Nico Niel Florescio..

Sino si Nico Niel?

Labing walong taong gulang, umibig..nasaktan..patuloy na nagmamahal. Kasalukuyang nag-aaral sa College of the Holy Spirit of Tarlac sa kursong Bachelor of Science in Business Administration major in Financial Management.

Para sa mga gustong magpadala ng kanilang post (guest po) maari ninyong ipadala ito sa: johnernestoinong@yahoo.com
___________________________________________________________________

"Break na tayo" isa yan sa mga salitang ayaw nating marinig. Tama ba? Dahil sa mga salitang yan maraming tao ang nalulungkot, umiiyak, naglalasing at ang mas malubha pa rito ay ang pag-iisip na wakasan mo na ang buhay mo. Bakit pa kasi nauso ang mga salitang yan kung makakasakit lang?

Isang napakalaking tanong, Bakit nga ba naghihiwalay ang dalawang tao? Ang hirap sagutin n'yan minsan diba? Pero ako sasagutin ko yan. Siguro naiisip ng mga ibang tao kung saan ba sila nagkulang, saan ba sila nagkamali, ano ba dapat ang ginawa nila para hindi dumating sa punto ng hiwalayan. Ang sakit diba?, na iwan ka ng taong alam mong minahal mo ng seryoso na sa pagkakaalam mo na ginawa mo na ang lahat para lang maging masaya siya sa piling mo. 'yung tipong nasabi mo na sarili mo na "Eto na'to sa wakas". Dahil sa isang tao na ito, nagpakatino ka dahil ayaw mo na masayang lang yung pagmamahal na binigay niya para sa iyo--- 'yung isang tao na'to na tanging sila lang yung nakakapagbigay sa'yo ng ibang kasiyahan sa tuwing magkasama kayo. Ito 'yung tao na wala man siyang sabihin o gawin sa'yo ay bigla ka na lang napapangiti. 'yung tao na masasabi mong sa'yo siya. 'yung tao na gusto mong unang makausap sa umaga at huling makausap pag-dating ng gabi. 'yung taong hindi mo naisip lokohin dahil hindi niya deserve ang masaktan. 'yung tao na kasama mo sa lahat o halos sa lahat ng ginagawa mo, sa lungkot man 'yan o sa ligaya. 'yung tao na nakakatampuhan mo dahil sa isang bagay pero hindi mo magawang iwan. Siya yung kasabay mong kumain, kasama mong tumawa, 'yung taong hinihintay ka kahit umuulan o gabi na. 'yung taong dahilan kung bakit napapagalitan ka sa tuwing umuuwi ka ng gabi. At higit sa lahat, 'yung taong nagpadama sayo na "ikaw na talaga" at nasabi mo rin na "siya na talaga". Isa pa, 'yung taong kampante kang sabihan ang mga  problema mo dahil alam mo na tutulungan ka at dadamayan ka. 'yan din ang taong mahal mo higit pa sa nalalaman niya, kung hindi ay higit pa sa pinapakita mo. Ilan lamang 'yan sa mga dahilan kung bakit minsan ay napakasakit para sa atin na iwan tayo ng mga mahal natin. Ang sarap maramdaman ng mga ganyang bagay hindi ba? Yung hinihiling mo na sana hindi matapos ito, pero sabi nga ng iba "May katapusan ang lahat ng bagay sa mundo". Siguro nauna lang 'yung sayo.

Minsan iyang mga nasabi ko ay kulang pa para magwork ang isang relasyon. O 'di kaya minsan naman ay nasobrahan kaya pangit ang kinalabasan. Minsan din, hindi sapat na mahal ninyo ang isat-isa dapat matutunan ninyo rin na maintindihan ang isat-isa. Pahalagahan ninyo ang mga bagay na ginagawa nila, maliit man o malaki.

Tiwala at Love...
Isa pang dahilan kung bakit hindi nagiging matibay ang isang relasyon, ay ang kakulangan sa tiwala. Oo, TIWALA. Napakahalaga ng tiwala sa isang relasyon dahil kung walang tiwala walang love.

Hiwalayan...
Alam naman nating lahat kung bakit nangyayari ang mga ito. Sa una, hindi nating maintindihan  kung bakit pa kailangang mangyari ito at bakit kailangan pang may masaktan ng sobra. Dito na pumapasok ang napakaraming "BAKIT?" Mga tanong na hindi mo masagotsagot sa tuwing tinatanong mo ang sarili mo at ng mga kaibigan mo. 

Mga Bro..
Siguro ang mas mabuti ay isipin nalang natin na may mga dahilan sa likod ng mga pangyayaring ito. Inihahanda lang tayo sa mga bagay na mas mahirap sa darating na panahon at masasabi na lang natin na "Sus! Ang dami ko nang pinagdanang problemang mas mahirap, eto pa kaya?" Kailangan lang nating pakalawakan ang mga isip natin sa mga ganitong bagay. Kung hindi man nag-wok ngayon malay natin sa bukas sa makawala umubra na. Kaya mga bro, hintay-hintay rin dahil hindi naman kailangang magmadali pagdating sa mga ganitong bagay kasi hindi lang ito basta-basta laro. 

At the end....
Maghiwalay man kayo, pero malay mo sa huli kayo pala talaga ang para sa isat-isa. Basta kung naramdaman niyang siya na talaga yung "The One", wag mo nang pakawalan dahil hindi talaga dapat. Engot ka nalang kung ganoon. Tsaka kung mahal mo talaga ang isang tao hindi ka magsasawang ipakita kung gaano mo siya kamahal.

Oopss.. The End?....
At para sa wala na talagang pag-asang maisalba pa, 'wag kang mag-alala panapanahon lang yan tsong! Huwag mong abangan dahil darating na lang yan nang hindi mo inaasahan.

On a personal note...
Be strong lang! Akala niyo puro kadramahan lang ang sinasabi ko rito no? pero hindi. Tinuturuan ko rin kayo na mga nakakabasa nito na tulad kong nabigo sa buhay na wag kayong mawalan ng pag-asa. At matuto kayong maging malakas dahil kayo ang unang tutulong sa sarili ninyo para makabangon sa pagkadapa sa buhay. Basta patience my Brothers! Your sweet love will come, I got mine! pero medyo magulo ngayon. Pero hindi ako susuko kahit anong mangyari kasi ramdam ko na ito na yun e. 

She's the one...
Di pa lang ngayon ang tamang oras. She's the boss. Maybe not now, but i know someday, I'll have my Bi again. 



8 comments:

  1. kung ganito lang sana kamature ang nakakarelasyon ko siguro wala ng break up na naganap sa buhay ko. haaaay.. nice post pakisabi sa friend mo kapatid. =D

    ReplyDelete
  2. shet, naisip ko siya habang binabasa ko ang post na'to...tsk tsk

    ReplyDelete
  3. isang usapang ayokokng isipin kasi masakit na sa ulo masakit pa sa puso haha

    ReplyDelete
    Replies
    1. pero kung hindi paguusapan mas masakit kung sasarilinin lamang

      Delete
  4. ayoko ng break ups... masakit! oo nga bakit nga ba kasi kelangan pa nun... kung sabagay... ganyan lang talaga ang life :)

    ReplyDelete
    Replies
    1. parte na rin siguro ito ng buhay, hindi nga naman lahat para talaga sa isat isa

      Delete